ലാഭ നഷ്ടങ്ങളുടെ കണക്ക്‌ മാത്രമല്ല കച്ചവടം.. അത്‌ അവശ്യപൂരണമെന്ന നന്മയുടെ കൈമാറ്റം കൂടിയാണെന്ന തിരിച്ചറിവ്‌ എല്ലാ കച്ചവടക്കാർക്കും ഉണ്ടാവട്ടെ

ആഗോള വിപണിയുടെ വ്യാപനത്തോടും സ്വതന്ത്ര വിപണിയുടെ കടന്നു വരവോടും കൂടി കച്ചവടം എന്ന പദപ്രയോഗം തന്നെ റീഡിഫൈന്‍ ചെയ്യണ്ടിയിരിക്കുന്നു.
എന്തു ചെയ്തും ലാഭമുണ്ടാക്കണമെന്ന്‍ മാത്രമാണ് ചിന്ത. ഉണ്ടക്കുന്ന ലാഭം എവിടെ കൊണ്ടു വക്കും എന്നാരും ചിന്തിക്കുന്നില്ല.
ഏതായാലും അന്യന്റെ മുതല്‍ തട്ടാതെ ജീവിക്കുന്നവന് മനസമാധാനമെങ്കിലും ഉണ്ടാകും.

ബഷീറിക്ക,
പോസ്റ്റ് വായിച്ചു, ഒരു വ്യത്യാസം ഫീല്‍ ചെയ്തു.
ഇതിനു മുമ്പുള്ള പോസ്റ്റുകള്‍ വ്യക്തികള്‍ക്ക് ഉപയോഗപ്രദമായിരുന്നു.അതെല്ലാം എനിക്കും ഉപയോഗപ്പെട്ടിട്ടുണ്ട്.ഈ പോസ്റ്റ് സമൂഹത്തിനു ഉപകാരമാവാം.പക്ഷേ ഒരു വ്യക്തി എന്ന നിലയില്‍ ഈ പോസ്റ്റ് എങ്ങനെ ഉപകരിക്കും?
ഓ, സമൂഹം നന്നായാല്‍ വ്യക്തികളും നന്നാവും അല്ലേ?
അതോ വ്യക്തി നന്നായാലാണൊ സമൂഹം നന്നാവുന്നത്?
എന്തായാലും കച്ചവടവും കപടവും തമ്മിലുള്ള ഈ വ്യത്യാസം സൂചിപ്പിച്ചതിനു നന്ദി
(ഒരു കച്ചവടക്കരനല്ലാത്തതിനാലാവാം എനിക്ക് ഇതെല്ലാം തോന്നിയത്)

കച്ചവടക്കാരെല്ലാം ബ്ലേഡുകാരെപ്പോലെ സാധാരണക്കാരെ അറുത്തുകൊണ്ടിരിക്കുമ്പോള്‍ ഈ തിരുവചനങ്ങള്‍ ഓര്‍ക്കേണ്ടതും ഓര്‍മ്മപ്പെടുത്തേണ്ടതും തന്നെ. കച്ചവടത്തില്‍ ചതിയും വഞ്ചനയും കാണിച്ചവന്‍ ഒടുവില്‍ തക്കഫലം അനുഭവിക്കുമെന്നത് നാം കണ്ട് കൊണ്ടിരിക്കുന്ന യാഥാര്‍ത്ഥ്യം. ചെറുപ്പത്തില്‍ റേഷന്‍ വാങ്ങാന്‍ പോയിരുന്ന സമയത്തൊക്കെ റേഷന്‍ മുതലാളിമാരുടെ “ഇല്ലപ്പാട്ട്’ കുറേ കേട്ടിട്ടുണ്ട്. താരതമ്യേന നല്ലതൊക്കെ മറിച്ച്‌വിറ്റു സ്റ്റോക്ക് തീര്‍ന്നെന്ന് പറഞ്ഞ് സാധാരണക്കാരനെ കബളിപ്പിക്കുന്ന രീതി തന്നെയാണ് മിക്ക റേഷന്‍ ഷാപ്പുകളിലും. എന്തായാലും അളവിലും തൂക്കത്തിലും കൃത്രിമം കാണിക്കുകയും ഉപഭോക്താക്കളെ വഞ്ചിക്കുകയും ചെയ്യുന്നവരില്‍ മിക്കവര്‍ക്കും മരണത്തിനു മുമ്പ് തന്നെ തിക്തഫലം ലഭിക്കുന്നു.

> അനിൽ@ബ്ലോഗ്


ആദ്യമായി അഭിപ്രായമറിയിച്ചതിൽ സന്തോഷം അറിയിക്കട്ടെ.

താങ്കൾ പറഞ്ഞപോലെ കച്ചവടം എന്ന വാക്കിനു തന്നെ വിലയില്ലാത്ത നിലയായിരിക്കുന്നു. ലാഭക്കൊതി മൂത്ത് സ്വന്തം രാജ്യം തന്നെ വെട്ടി മുറിച്ച് വിൽക്കാൻ വരെ ഭരണാധികാരികളായ കച്ചവടക്കാർ തയ്യാറായതിന്റെ പരിണിത ഫലങ്ങൾ അവിടുത്ത ജനങ്ങൾ അനുഭവിക്കുന്നു. കച്ചവട കരാറുകളിൽ കാണാ ചരടുകളിൽ കുരുങ്ങി ജീവിതം നഷ്ടമായവർ എത്ര...

എല്ലാം കൈവിട്ട കച്ചവടങ്ങളായി..അധ്വാനിക്കാതെ അന്യന്റെ മുതൽ വാരിക്കൂട്ടാൻ തിടുക്കപ്പെടുന്നവരാണധികവും. അന്യുന്റെ മുതൽ തട്ടിപ്പറിക്കാതെ ജീ‍വിക്കുന്നവന് മനസമാധാനമുണ്ടാവട്ടെ.. നന്ദി


> അരുൺ കായംകുളം


സമൂഹം എന്നത് കുറെ വ്യക്തികളുടെ കൂട്ടമല്ലേ അരുൺ. നല്ല വ്യക്തികളാണു നല്ല സമൂഹത്തിന്റെ സൃഷ്ടിപ്പിനു വേണ്ടത്. വ്യക്തികൾ നന്നായാൽ സമൂഹവും സമൂഹം നന്നായാൽ ആ നാടും നന്നായി. കച്ചവടങ്ങൾ സമൂഹത്തിനു മൊത്തത്തിൽ ഉപകരിക്കുന്നു. അത് പോലെ അത് ചെയ്യുന്നവർക്കും അതിൽ ഭാഗവാക്കാവുന്ന വ്യക്തികൾക്കും അതിന്റെ പ്രയോജനം ലഭിക്കുകയല്ലേ.. മനുഷ്യൻ ഒരു സമൂഹ ജിവിയായതിനാൽ തന്നെ സമൂഹത്തിൽ നിന്ന് ഒളിച്ചോടിയുള്ള ഒരു ജിവിതം അവനു ദുസ്സഹമായിരിക്കും.
അഭിപ്രായത്തിനു നന്ദി..സംശയങ്ങൾക്കും


> കാസിം തങ്ങൾ ,


റേഷൻ കട അനുഭവങ്ങൾ മിക്ക മലയാളികളും അനുഭവിച്ചിട്ടുണ്ടായിരിക്കും. ജനങ്ങളെ വഞ്ചിച്ചു പണമുണ്ടാക്കുന്നവരുടെ അന്ത്യ നാളുകൾ നമുക്ക് ചുറ്റിലും തന്നെ പാഠമായി കാണുന്നത് മനസ്സിലാക്കാൻ വർത്തമാന കാല കച്ചവടക്കാർക്കായെങ്കിൽ എന്ന് ആശിക്കുകയാണ്. നല്ല നിലയിൽ ഉപജീവന മാർഗമായി കച്ചവടം ചെയ്യുന്നവർ സമൂഹത്തിനും ഒരു മുതൽ കൂട്ടാണ്.

അഭിപ്രാ‍യം അറിയിച്ചതിൽ സന്തോഷം

എല്ലാവരും എല്ലാം കച്ചവടക്കണ്ണോടെ മാത്രമല്ലേ കാണുന്നത്.എങ്ങനെയും ലാഭം ഉണ്ടാക്കണം എന്നു മാത്രമാണു ചിന്തകൾ .

അതെ ബഷീർ, ഇന്നത്തേത് കച്ചകപടം തന്നെ. വലിയ മീൻ മുകളിൽ വച്ച് ചെറുത് തരുന്ന നിസ്സാരമെന്ന് കരുതുന്ന കാര്യം വരെ അതിൽ പെടുത്താം. അതിന് കച്ചവടക്കാരെ മാത്രം കുറ്റം പറയാൻ പറ്റില്ല. ഒന്ന് ചോദിക്കട്ടെ; നമ്മളിൽ പലരും വിവാഹ കമ്പോളത്തിൽ ആണിൻ വില പറഞ്ഞ് തർക്കിക്കും. എന്നാൽ ഒരു പലചരക്ക് കടയിൽ നിന്നും സാധനങ്ങൾ വാങ്ങുന്നവരിൽ എത്ര പേരുണ്ട് വില ചോദിച്ച് വാങ്ങുന്നവറ്? അഥവാ വില ചോദിച്ചാൽ അടുത്ത് നിൽക്കുന്നവർ തമ്മിൽ തമ്മിൽ നോക്കി നമ്മെ കളിയാക്കി ചിരിക്കുന്നത് കാണാം.
അനുബന്ധമായി പറയട്ടെ.ഞങ്ങൾക്ക് പണ്ട് നല്ല ഒരു കച്ചവട സ്ഥാപനം ഉണ്ടായിരുന്നു. കിട്ടാകടവും പറ്റിക്കാനറിയാത്ത എന്റെ ഉപ്പാന്റെ സ്വഭാവവും കാരണം അത് താനെ ഇല്ലാതായി. തൊട്ടടുത്ത് അയൽ വാസി ഉപ്പാനെ വഞ്ചിച്ച് വാങ്ങിയ സ്ഥലത്ത് ഒരു റേഷൻ കട തുടങ്ങി. കരിഞ്ചന്തയും പൂഴ്ത്തി വപ്പും നടത്തി എങ്ങനെയെല്ലാം ലാഭമുണ്ടാക്കാം എന്ന് മാത്രമായിരുന്നു അദ്ദേഹത്തിന്റെ ചിന്ത.
എതിർക്കാൻ ശേഷിയുള്ളവറ് കുറവായിരുന്നു നാട്ടിൽ.അദ്ദേഹം നല്ല പണക്കാരനായിരുന്നു.
ചുരുക്കാം; പിന്നീട് മകളും മകനും ‘പറയിപ്പിച്ചു. കഴിഞ്ഞ വറ്ഷം അദ്ദേഹം തൃശൂരിൽ ഒരു ലോഡ്ജിൽ വച്ച് ആത്മഹത്യയും ചെയ്തു. കാരണമെന്തെന്ന് ആർക്കുമറിയില്ല.
അതെ, ഉപജീവനത്തിനും വേണ്ടി നല്ല നിലയിൽ കച്ചവടം ചെയ്യുന്നവറ് സമൂഹത്തിൻ ഒരു മുതൽ കൂട്ട് തന്നെ..

നല്ല സാധനങ്ങൾ നല്ല രീതിയിൽ സാധാരണയിൽ കവിയാത്ത ലാഭത്തിനു നല്ല മനസ്സോടെ കച്ചവടം ചെയ്യുന്നവർക്ക്‌ ഒരു പക്ഷെ വലിയ വലിയ രമ്യ ഹർമ്മങ്ങളും ബിസിനസ്‌ സാമ്രാജ്യങ്ങളും പടുത്തുയർത്താൻ കഴിയില്ലായിരിക്കാം
ഒന്നും ചെയ്യാൻ കഴിയില്ലേലും അവരാണ് യഥാർഥത്തിൽ കാ‍ര്യങ്ങൾ നടത്തുന്നത്

സത്യസന്ധമായി കച്ചവടം നടത്തുന്നവര്‍ ഇക്കാലത്ത് ഉണ്ടാകുമോ ബഷീര്‍ക്കാ?

എന്തായാലും നല്ല പോസ്റ്റ്!

> കാന്താരിക്കുട്ടി,


എങ്ങിനെയും ലാഭമുണ്ടാക്കണമെന്ന ചിന്ത വെടിയാൻ കഴിഞ്ഞാൽ എത്ര നന്നായിരുന്നു. പക്ഷെ...!

അഭിപ്രായമറിയിച്ചതിൽ വളരെ സന്തോഷം

> ഒ.എ.ബി,


മീൻ കച്ചവടത്തിന്റെ കാര്യം മുതൽ താങ്കളുടെ ഉപ്പാക്കുണ്ടായ അനുഭവം വരെ പങ്കുവെച്ചതിൽ വളരെ നന്ദി. അന്യനെ പറ്റിച്ചുണ്ടാക്കുന്നതൊന്നും ശാശ്വതമായി ഉപകാരപ്പെടില്ല എന്നതിന്റെ ഒരു ഉദാഹരണം. ജനങ്ങൾക്ക് പാഠമാവുന്നില്ല പക്ഷെ..

വിവാഹകമ്പോളത്തിൽ പുരുഷൻ വില പേശുമ്പോൾ അവൻ വിൽക്കപ്പെടുകയാണല്ലോ. വലിയ വില കൊടുത്ത് വിഷം വാങ്ങുന്ന പെൺ വീട്ടുകാർ നിസഹായർ..

വിശദമായ അഭിപ്രായത്തിനു വളരെ നന്ദി


> അനൂപ് കോതനെല്ലൂർ,


തീർച്ചയായും , അത്തരക്കാരാണ് പൊതു സമൂഹത്തിനു ഗുണം ചെയ്യുന്നവർ..

അഭിപ്രായമറിയിച്ചതിൽ സന്തോഷം


> ശ്രീ


ഉണ്ടെന്ന് തന്നെ കരുതാം. പക്ഷെ അവർ നിശബ്ദ സേവനം നടത്തുന്നവരായതിനാൽ പ്രൊജക്റ്റ് ചെയ്യപ്പെടാറില്ല എന്ന് മാത്രം.

പോസ്റ്റ് ഇഷ്ടമായെന്നറിഞ്ഞതിൽ സന്തോഷം


അഭിപ്രായം അറിയിച്ചവർക്കെല്ലാം നന്ദി.
എല്ലാം ലാഭക്കണ്ണോടു കൂടി മാത്രം കാണാതെ കച്ചവടം തന്റെ ജീവിതമാർഗമായി കാണുന്നവർക്ക് സർവ്വ ശക്തൻ തുണയായിരിക്കുമെന്നതിൽ സംശയമില്ല. അന്യനെ പറ്റിച്ച് വരുമാനമുണ്ടാക്കുന്നവർക്ക് ഒ.എ.ബി വിവരിച്ച അനുഭവ കഥയ്ക്ക് സമാനമായ നിന്ദ്യമായ പ്രതിഫലാമായിരിക്കും നാളെ ലഭിക്കുക എന്നതിലും സംശയം വേണ്ട..

നന്ദി

നല്ല പോസ്റ്റ്.

നെഞ്ചില്‍ ഏറ്റെണ്ട മറ്റൊരു മൊഴിമുത്ത്. ആശംസകള്‍.

ഇതൊന്നും ആരും ഒരുനാളും മനസ്സിലാക്കില്ല.....

യ്യീ ആളൊരു പുലിയാണു..കേട്ടാ...

> വശംവദൻ


വായനയ്ക്കും പ്രോത്സാഹനത്തിനും നന്ദി

> വാഴക്കോടൻ

നബി(സ)യുടെ മൊഴികൾ നെഞ്ചിലേറ്റാനും പ്രവൃത്തി പഥത്തിൽ കൊണ്ടു വരാനും നമുക്കെല്ലാം കഴിയട്ടെ. നന്ദി

> ശിവ

വ്യക്തമായി മനസ്സിലാക്കിയവരും താത്കാലിക ലാഭത്തിനു വേണ്ടിയും പെട്ടെന്ന് പണക്കാരനാവാനും വളഞ്ഞ വഴികൾ സ്വീകരിക്കുന്നതാണ് കാണുന്നത്. വളരെ പ്രയാസകരമായിരിക്കും നന്മയുടെ വഴിയെ ചരിക്കാൻ.. വായനയ്ക്കും അഭിപ്രായത്തിനും വളരെ നന്ദി

> bilatthipattanam

പുലി കേൾക്കണ്ട :)

അവസാന ഭാഗത്ത്‌ പറഞ്ഞ അനുഭവം എല്ലാവര്‍ക്കും ഒരു പാഠമാവട്ടെ

കാപട്യങ്ങള്‍ നിറഞ്ഞ ഈ ലോകത്ത് നല്ല കച്ചവടക്കാര്‍ പോയിട്ട് നല്ല മനുഷ്യര്‍ തന്നെ അപൂര്‍വ്വം.
നല്ലവരായി ജീവിക്കാന്‍ എല്ലാവരെയും ദൈവം സഹായിക്കട്ടെ.

നന്ദി ഇങ്ങനെ ഒരു പോസ്റ്റിനു

> അരീ‍ക്കോടൻ

വളഞ്ഞ വഴികളിലൂടെ നേടുന്നതൊന്നും കൂടുതൽ നില നിൽക്കില്ല. എത്രയോ അനുഭവങ്ങൾ അങ്ങിനെ.. പക്ഷെ ആരു അതൊക്കെ ശ്രദ്ധിയ്ക്കുന്നു. മാഷിന്റെ വായനയ്ക്കും അഭിപ്രായത്തിനു നന്ദി

> തെച്ചിക്കോടൻ

അതെ, പ്രാർത്ഥനയും പ്രത്യാശയും കൈവിടാതിരിക്കാം
അഭിപ്രായമറിയിച്ചതിൽ വളരെ നന്ദി

നല്ലവരായി ജീവിക്കാന്‍ എല്ലാവരെയും ദൈവം സഹായിക്കട്ടെ.

നന്ദി ഇങ്ങനെ ഒരു പോസ്റ്റിനു...

അപ്പോള്‍ ബൂലോഗത്ത്‌ ഇങ്ങിനെയുള്ള നല്ല നല്ല കാര്യങ്ങളും ചര്‍ച്ച ചെയ്യപ്പെടുന്നുണ്ടല്ലേ..
ഈ പോസ്റ്റ്‌ കണ്ടപ്പോള്‍ തോന്നിയത്

അത്രയ്ക്ക് മുഴുവനായും "ക്കഥ" പതിച്ചിട്ടില്ല ബൂലോഗം
anyway tracking >>

> Shaf ,


വായനയ്ക്കും കമന്റിനും നന്ദി. പ്രാർത്ഥനകൾ അല്ലാഹു സ്വീകരിക്കട്ടെ.

> ഫൈസൽ കൊണ്ടോട്ടി

വായനയ്ക്കും നല്ല വാക്കുകൾക്കും നന്ദി
തുടർന്നും അഭിപ്രാ‍യങ്ങളും നിർദ്ദേശങ്ങളും ഉണ്ടാവുമല്ലോ..

കമ്പോളവല്‍ക്കരണം മനുഷ്യനെ നീചനും അധമനും അത്യാഗ്രഹിയുമാക്കികൊന്‍ടിരിക്കുന്ന ഇക്കാലത്ത് ലാഭത്തിനപ്പുറത്ത് ധാര്‍മ്മികതക്കും മൂല്യങ്ങള്‍ക്കുമൊക്കെ സ്ഥാനമെവിടെ.

ചതിക്കും വഞ്ചനക്കും കാപട്യത്തിനുമാണിവിടെ മുന്തൂക്കം ലഭിക്കുന്നത്. ആരെങ്കിലും നല്ല രീതിയില്‍ ചിന്തിച്ചാല്‍ തന്നെ .. കച്ചവമടമാവുമ്പോള്‍ അല്ലറ ചില്ലറ തട്ടിപ്പും വെട്ടിപ്പും ഒന്നും ഇല്ലാതെ മുന്നോട്ട് പോവില്ലെടെ എന്നൊരു കമന്റ് കിട്ടും. സാധാരണക്കാരുടെ വരെ പൊതുബോധം ഇന്ന് ഇത്തരത്തിലാണുള്ളത്.

ബഷീര്‍ സാബ് വളരെ നന്ദി .. കാലിക പ്രസക്തമായ ഒരു മൊഴിത്ത് ഇട്ടതിന്..

കൂട്ടത്തില്‍ ഒരനു ബന്ധമായി ഈ ഖുര്‍ ആന്‍ സൂക്തം കൂടി ചേര്‍ത്തോട്ടെ.

“അളവില്‍ കുറക്കുന്നവര്‍ക്ക്‌ മഹാനാശം,
അതായത്‌ ജനങ്ങളോട്‌ അളന്നുവാങ്ങുകയാണെങ്കില്‍ തികച്ചെടുക്കുകയും. ജനങ്ങള്‍ക്ക്‌ അളന്നുകൊടുക്കുകയോ തൂക്കികൊടുക്കുകയോ ആണെങ്കില്‍ നഷ്ടം വരുത്തുകയും ചെയ്യുന്നവര്‍ക്ക്‌.
അക്കൂട്ടര്‍ വിചാരിക്കുന്നില്ലേ; തങ്ങള്‍ എഴുന്നേല്‍പിക്കപ്പെടുന്നവരാണെന്ന്‌?
ഭയങ്കരമായ ഒരു ദിവസത്തിനായിട്ട്‌" (വി:ഖു 83:1-5)

very good article.

May Allah wages to your effort...

നന്നായിട്ടുണ്ട് താങ്കളുടെ ഈ ലേഖനം.

> ചിന്തകൻ

>> കച്ചവമടമാവുമ്പോള്‍ അല്ലറ ചില്ലറ തട്ടിപ്പും വെട്ടിപ്പും ഒന്നും ഇല്ലാതെ മുന്നോട്ട് പോവില്ലെടെ <<

ശരിയാണു പറഞ്ഞത്.. എല്ലാ മേഖലകളിലും ഇത് തന്നെ സ്ഥിതി. വിശുദ്ധ ഖുർ ആനിൽ ഇതേ ആശയം വിവരിക്കുന്ന അനേകം സൂക്തങ്ങളുണ്ട്. താങ്കൾ സൂചിപ്പിച്ചതടക്കം. ഈ കൂട്ടിച്ചേർക്കലിനു പ്രത്യേകം നന്ദി.

വഴികാട്ടിയൂടെ ഈ പോസ്റ്റിൽ കൂടുതൽ വിവരിച്ചിരിക്കുന്നത് കാണാം

> ചെറിയപാലം

വളരെ നന്ദി. നല്ല വാക്കുകൾക്കും പ്രാർത്ഥനകൾക്കും

> പി.സി.പ്രദീപ്

വളരെ നന്ദി.വായനയ്ക്കും നല്ല വാക്കുകൾക്കും

Manoharm Basheer.... Ashamsakal...!!!

(Basheere, iyal jeevikkan sammadikkille, Njan oru Business thudangi Kurachu kolla labham undakkanamennu karuthiyirikkukayayirunnu... Nashippichille... )

> സുരേഷ്

നല്ല വാക്കുകൾക് നന്ദി ..പ്രോത്സാഹനത്തിനും.

( മിൽമക്കഥ എന്നെക്കൊണ്ട് പറയിപ്പിക്കല്ലേ :)

കച്ചവടം,കച്ചവടം.. എല്ലാം കച്ചവടമല്ലെ ഇന്നു...?!. അളവു തൂക്കങ്ങളില്ലാത്ത മേഖലകളിലും കച്ചവടം പൊടി പാറുന്നു. വിദ്യാഭ്യാസം, സംസ്കാരം,കല ഇവയെല്ലം ഇന്നു കച്ചവടക്കാരുടെ കയ്യിലാണ്. എങ്ങനെയാണ് , എന്നാണ് ഇതൊക്കെ നേരെയാവുക..?.ഒരൊറ്റ മാര്‍ഗ്ഗമേയുള്ളു. ബേപ്പൂര്‍ സുല്‍ത്താന്‍ പറഞ്ഞപോലെ എല്ലാവര്‍ക്കും വരട്ടു ചൊറി വരിക.എല്ലാ മനുഷ്യരും അങ്ങനെ മാന്തിമാന്തിക്കൊണ്ടേയിരിക്കട്ടെ. പിന്നെ കഴുത്തറുക്കാന്‍ നേര‍മുണ്ടാവുകയില്ലല്ലൊ.

നല്ല പോസ്റ്റ്. അന്യന്റെ പോക്കറ്റിലെ പണം സ്വന്തം പോക്കറ്റിലേക്ക് ആക്കുവാനുള്ള തത്രപാടാണ് ജീവിതം എന്ന ഫിലോസഫി, കച്ചവടകാർക്കാണ് കൂടുതൽ യോജിക്കുക എന്നു തോന്നുന്നു...

> തറവാടി,

വന്നതിലും വായിച്ചതിലും സന്തോഷം :)

> ഖാദർ പട്ടേപ്പാടം

സുൽത്താന്റെ വാക്കുകൾക്ക് വിശാലമായ അർത്ഥമാണുള്ളത്. ലോകത്ത് കുഴപ്പമുണ്ടാക്കുന്നവർക്കെല്ലാം വരട്ട് ചൊറി വന്ന് മാന്തിക്കൊണ്ടിരിക്കട്ടെ. :)
വായനയ്ക്കും അഭിപ്രായത്തിനും നന്ദി

> താരകൻ

കച്ചവടക്കാർ മാത്രമല്ല മിക്കവരുടെയും ചിന്ത അങ്ങിനെതന്നെയായിരിക്കുന്നു. അധ്വാനിക്കതെ പണമുണ്ടാക്കുക. അതും പെട്ടെന്ന് വേണം താനും :(

താങ്കൾക്ക് സ്വഗതം. അഭിപ്രായമറിയിച്ചതിൽ വളരെ സന്തോഷം

പ്രിയരെ, കൃഷിയുടെ /കർഷകന്റെ പ്രാധാന്യത്തെപറ്റി തിരുനബിയുടെ മൊഴിമുത്തിന്റെ വെളിച്ചത്തിൽ ഒരു ചിന്ത . ഇവിടെ